Urdu-hindi paheliyan with answer

     -پہیلیوں کی دنیا میں خوش آمدید

This is amazing App, “Paheliyan with answer”

Please download this app and give your reviews.

Search on google play store “Paheliyan urdu-hindi”
OR

Visit this link: https://play.google.com/store/apps/details?id=riddle.urdu.hindi.paheliyan

      1- Kali aur safaid billi!   

Ek kaali billi building k 20wy(beeswy) floor say neechy gir rahi hai,
 neechy khadi safaid billi usay dekh kar kia kahy gi?

scroll down for answer:(answers page k end mein hain).
 

      2- Samandari Jahaz ka therao!   

Ek jahaz samandar mein khara hai aur uski seerhiyan pani k 6 foot neechy hen aur 4 foot upar hen,
btao agar samandar ka pani 2 foot mazeed barhta hai tab kitny foot seerhiyan pani k andar hongi?
???

scroll down for answer:(answers page k end mein hain).

      3- Namaz kahan nahi ho sakti?   
     
Dunya k andar wo konsi jagha hai jahan bady say bada mufti bhi namaz parhy tou namaz nahi ho sakti?
     

scroll down for answer:(answers page k end mein hain).

       4- Ajeeb cheez!   

wo konsi cheez hai jo kaan say nikalti hai aur khae jati hai???

scroll down for answer:(answers page k end mein hain).

      5-  Phool Kanwal ka   
     
Ek talab mein ek ajeeb kanwal ka phool khil raha hai,  jo har roz pehly say dugna ho jata hai,
yani agar aj ek inch hai tou kal 2 inch hojai ga, aur parson 4 inch,  isi tarha har roz pehly say
dugna(double) hojaiga,  hisab lagaya gya k agar ya phool isi tarha barhta raha tou wo tees din mein
poory talab ko dhak lega,  bataye wo phool adhy talab ko kitny arsy mein dhaky ga.
   
scroll down for answer:(answers page k end mein hain).

      6- Konsi Train
 
     
Ek bus karachi say Lahore 10 mil fe ghanta ki raftar say jaa rahi hai aur doosri bus Lahore say karachi 30
mil fe ghanta ki raftar say aarahi hai.   jab ya dono buses Ek doosray ko cross karaingi tou konsi bus
karachi k zyada nazdeeq hogi?
     
scroll down for answer:(answers page k end mein hain).


      7- Pani Main khely kon!   

Ek munna pani main nahay, Sath hi pani peeta jai, Jitna pani pait main daly, qulli kar kai usy uchaly?
scroll down for answer:(answers page k end mein hain).


      8 - Peepal Ka darakht   
Peepal k darakht k neechy 3 aadmi baithy thy,   1. Nabeena 2. Behra 3. Goonga   Darakht say aam gira, sab say pehly kon uthae ga?
   

scroll down for answer:(answers page k end mein hain).
 
 
      9-  Dilchasp sawal
 
     
wo kia hai jo Lahore say Multan tak bagair harkat kiye jati hai. aur wo thos(solid) cheez hai.
     
 scroll down for answer:(answers page k end mein hain).   


      10-  Aisa kesy hosakta hai
     
Ghar hai,log nahin, darya hai, paani nahi, darakhat hai, tana nahi?
     
 scroll down for answer:(answers page k end mein hain). 


      11-  Plate mein kitny Laddu hain   
     

Ek table par plate mein 4 laddu rakhy hain. aur table k kareeb 5 afrad bethy hain,
 agar laddu sab ko braber braber takseem kren tou kis k pass kitny laddu aengy.
     
   

      12-  Samajhdar ghada   
     
        Ek jagha 3 ghady mojood hain bataiye in mein say sab say zyada konsa ghada samjhdar hai.
     



      13-  Islamic paheli   
     
Jis ky paaon k neechy aaaye,,
kaanon ko wo haath lagaaye,,
     
   

      14-  Jo dar gya samjho margya!   
        Bimar Nhi rehti mai, Phir bhi khati hu Goli, Bache Burhe sab Dar jate han, Sun kar Meri Boli, Btao kya?
     


      15-  Na-mumkin hai ya tou   
      -
Wo kia chez hai jo dayen(seedhy) hath say tou chu sakty hain lekin Bayen(ulty) hath say nahi?
     
     

      16-  nehaar mu anda khana   
   
Ap nehar-mu kitny andy kha sakty hain 2 4 6?
     
   


      17-  Rasta batany wali cheez   
     
Wo konsi cheez hai jo khud nahi dekh sakti magar doosron ko rasta dekhati hai?
     
 


      18-  Wo Kon hai?   
     
Jahan ek Shaks ho wahan doosra kon,,  jahan 2 hon wahan teesra kon,,  aur jahan 3 hon wahan chotha kon..?
     
   

      19-  Ajeeb cheez
     
Wo kia cheez hai jo shaks usay tayar karta hai usay uski zaroorat nahi hoti,,  jo shaks usay kharidta hai
wo usay khud istamal nahi karta,,  aur jis k istamal mein ya ata hai wo usky bary mein kisi ko nahi batata...
     
     



      20-  Jhoot kon bol raha tha!   

1 aadmi ka qatal hua Sunday 7 jan, 2007 afternoon. Us ki biwi ne police ko bulaya.  Police sab se sawal puchne lagi:  Wife: sir, me so rahi thi jis waqt qatal hoa. Cook: Me khana paka raha tha. Gardener: Me phulon ko pani de raha tha. Nokar: Me post office gaya hoa tha. Children: Ham khelne gaye the. Parosi: Ham shadi me gaye hoye the.  Police ne foran qatil ko arrest kr lia. Kon hai qatil?
     

      21-  Kitny nukty hain!   

ya neechy line main chaar nukty hain,,  . . . .  laikin haqeekat main 8 hain...
   


      22-  hisab kitab?   
     
Ali ko ek dukandar nay 70 rupy diye,,  us mein rupyon(rupees), athanyon(50 paisa) aur chawanyon (25 paisa)
ki tadad same(masawi) thi,,   wo tadad kia hogi?
     
   


      23-  kia waqt hoga.   
     
dadi nay sweater us waqt banana shuru kia jab ghadi mein 1 baja tha,,   6 bajy wo adha sweater mukamal
 kar chuki thin,,   jab wo poora sweater mukamal karaingi tou kia time ho raha hoga...?
     
     


      24-  Aam aur sooiyan (mango and niddle)   
     
Nida k ek hath mein kuch aam aur doosry hath mein kuch sooiyan(niddle) hain,,
        agar wo har aam mein ek soe chubhoti hai tou ek soe aledha bach jati hai agar wo har aam mein 2 sooiyan chubhoti hai tou ek aam
bach jata hai,,   tou ya btaen k nida k hath mein kitny aam aur kitni sooiyan hain.
     
     


      25-  Anda dainy wala janwar   
     
Ek aisy janwar ka naam btaen jisy aap kabhi kabhar dekhty bhi hain aur wo anda bhi deta hai.
     
   

      26-  Train ki zanjeer  
     
Ali nay bagair kisi waja k train ki zanjeer khainch di, laikin usy koi jurmana ada nahi karna
pada btaen kyun?
     
     

      27-  pehly kia jalaingy   
     
aap ek room mein dakhil hoty hain, aur room mein bilkul andhaira hai,  aap k paas machis k box mein ek teeli hai
aur waha ek laltain hai ek gas ka cholha hai aur ek tayl ka cholha hai tou btaen Ali sab say pehly kia jalaega?
     
   

      28-  Ehm cheez par bht ajeeb   
     
Wo konsi cheez hai jo zaroorat k waqt tou phenk dety hain magar jab zarorat khatam hojai tou utha kar rakh
lety hain.
     
   

      29-  Wo kia hai?   
        
Wo kia hai jisy haram karar dia gaya hai lekin usy peeny ko bhi kaha jata hai.
     
     


      30- Herat angaiz jaraem   
       
Dunya k wo konsay jaraem hain jo agar karlye jaen tou dunya ki koi taqat saza nahi desakti,
 lekin agar na mukamal rahy tou saza di ja sakti hai.
     
     

      31-  Ek Romal  
     
Ek gaz lamby aur ek gaz chory romal ki qeemat 8 ropy hai,
 ab ya bataen k isi kapdy k adha gaz lamby aur adha gaz chory romal ki qeemat kia hogi?
     
     


      32-  Ali k khatoot (letters)   
     
Kuch Saal pehly ki baat hai Ali ka Lahore mein acha khasa karobar tha usy har roz ki daak say kafi sary khatoot(letters) milty thy,
ek din usay karachi jana pada kae dino k lye,  tou usny apni begum sarah ko kaha, jo mery letters aty hain unhy roz jama karky Karachi
rawana kardena,  Karachi pohanchny k baad 4 din tak koi khat nahi mila tou ali nay apni begum sarah ko call ki telephone booth par ja k aur poocha apny koi
khat nahi bheja abhi tak? sarah nay jawab mein kaha ap letterBox ki chabi sath le gaye hain,
phir ali nay chabi jaldi say bhejwa di,   chabi rawana karny k baad bhi Ali tak koi khatoot nahi pohnchy, bataen q?
     
   


      33-  Wo kia hai?
     
bataen wo kia hai jo hai tou apsy hi wabasta, jahan ap jaty hain uska sath jana lazmi hai, lekin phir bhi apki nisbat doosry log
usy zyada istamal karty hain?
     
   

      34-  dum ka rukh  
     
Ek ghady (Donkey) ka mu mashriq ki taraf ho tou uski dum ka rukh kis taraf hoga?
     
   

      35-  kia aisa ho sakta hai?  
     
ek hi waqt mein faizan, danyal k peechy khada ho aur danyal faizan k peechy khada ho kia aisa ho sakta hai?
     
   

      36-  Jaal bichae
       
Rehti hai wo jal bechae khood nahi thakti doosron ko thakae.
     
   
      37-  Admi ka safar mushkil mein  
     
Ek aadmi k sath ek bakra, ek sher (lion), aur kuch ghas (grass) jo us ne bakry k lie ekhati ki hoie thi, chale ja rahe thy k rasty main ek darya aa gia.
ab soorate haal ye hai k ya aadmi en teeno main se sirf ek cheez ko paar kar sakta hai ek baar main. lekin jab wo ghas ko paar karta hai to malik k ghair mojoodgi main sher bakry ko khajaiga, esi tarha jab lion ko paar karta hai to goat grass ko kha jaegi. ab ye aadmi en teeno cheezon ko kaise par karega?


      38-  Special Gift   
     
Ek sahab ne apny bachy ko gift dety hue kaha,
Isme aise chez hai k jab tumhy pyaas lagy to pee lena,
Jab bhook lagy to kha lena,
Aur jab sardi lagy to jala lena,
Btao aise kon se chez hai jo hamare itne kaam ayegi?

     
     


      39- Lakriyon say bana ghar
     
Ek ghar hai jo poora lakriyon (wood) say bana hai usmein har saman lakri ka hai.
 darwazy, khirkiyan yahan tak k andar ka saman jesy chair, table sab lakri ki hain,
us ghar mein table k upar ek murghi bethi hoe hai btao agar wo anda dy tou kaha giry ga,
zameen par ya table par?
     
   

      40-  Adnan aisa kyun karta tha  
     
Adnan ek 15 manzila emarat mein rehta tha, aur uska flat bhi 15wi manzil(15th floor) par tha, jab wo school say
ghar wapas ata tou lift use karky apny ghar pohanch jata tha, lekin jis din lift mein koi aur na hota tou
 wo naween manzil(9th floor) ka button daba deta tha, aur naween manzil par pohanchny k baad
15wi manzil tak ka fasla serihyon say tay karta tha, kia aap bata sakty hain wo aisa q karta tha?
     
     



      41-  Waiter ka drama   
     
Ek admi restaurant(hotel) me coffee peeny gya aur wo bager doodh ki coffee peeta tha abhi usny coffee
banany k baad ek ghoot hi piya tha k achanak us mein ek makhi aagiri, usnay waiter ko bulaya aur
kaha k ishi cup mein doosri coffee lay ao, waiter thodi dair baad doosri coffee ly aya, lekin us
admi nay ek ghoot peety hi usny kaha k ya coffee tou purani hi hai tum doosri nahi lai, batao kesy
pata chala usy?
     
       

      42-  Adil k mehman  
     
Adil k han kuch mehman ay usnay unko kuch charpaiyan aur palang diye, agar mehman ek charpae par do do ho kar
soty hain tou ek charpae bach jati hai, aur agar ek charpae par ek k hisab say mehman soty hain tou ek charpae
kam par jati hai, bataen kitny mehman hain aur kitni charpaiyan mojood hain.
     
     

      43-  Apsy kia rishta hai   
     
Apki walida k akloty bhai ki akloti behan bhai ki sirf ek aulat hai, bataen uska apsy kia rishta hai.
     
   


      44-  Rumal k kony!   

Ek Rumal Ke 4 Kone Hain, Unmein Se 2 Ko Kenchi Se Kaat Diya Jaye, To Kitne Kone Bachenge.
     


      45-  Bujho tou janu   
     
kala Ghoda,
Safed ki sawari
ek utra to dusre ki bari......???
     
     


      46-  Jahaz   
     
Ek jahaz main ek pilot(driver) betha hua hai jo jahaz ura raha hai,
Aur Sath wali seat par uska ek dost betha hua hai,
Aur ek fridge bhi rakha hua hai Jahaz main,

Wazan zyada hony ki waja say Jahaz Disbalance(adam tawazun) ho raha hai,
batao jahaz sambhalny k lye wo kisy neechy phainky ga?
     
   

      47- Kesy margya   
     
Ek aadmi road par ja raha tha gira mar gya, btao kesy?
     
   

      48-  Fridge mein rakhna teen hisson mein   
     
Ek bakry ko fridge mein 3 hisson main rakhna hai batao kesy rakhaingy?

     
   

      49-  hathi ko fridge mein rakhna hai   
     
Ab ya batao ek fridge main hathi ko 4 hisson main rakhna hai batao kesy rakhain gy?
     
   

      50-  Janwaron ki awaz   
     
Zara btaye mukhtalif janwaron ki awazon k naam...
       1: hathi
         2: sher
         3: ghora
         4: ghada
         5: bakri   6: hiran   7: chirya  8: kabootar  9: sanp  10: bulbul
     

   
      51   Wo kia hai

Wo kia hai jo hamesha ata hai lekin haqeeqat mein kabhi nahi ata.
     
     

      52-  Asan paheli   
     
Din main ek, Raat main Do,
Maheenay main teen,
Saal main koi nahi...
Bataiye Kiya?
     
   

      53-  Ajeeb cheez   
     
        Bataiye wo kia hai jo koi shaks bhi nahi chata k wo usky paas ho,  aur jis shaks k paas ho wo isy kisi keemat par bhi
        khona nahi chahta.
     
   

      54-  Btao Wo kon hai   
     
Murgi anda deti hai,
Aur
Cow dudh dethi hai,
To Aisa kon hai
Jo anda bi deta hai aur dudh bhi dita hai..????
     
   

Answers:

1-   Meauww Meauwwww :)
2-   6 foot hi hongi kyun k pani barhnay say jahaz upar hojaega  
3-   BAIT-U-ALLAH ki chat par  :)
4-   Namak    
5-   29 din, kyun k 29wy din wo adhy talab ko dhaky ga aur 30wy din poory talab ko dhaky ga.  :)
6-   ye dono traine musawi fasle par hongi. ku ke wo Ek dusre ko kiras kar rahi hen.:)
7-   Fawara :)
8-   Pepal ke darakht par to aam hi nahi lagte :)
9-   Sarak (Road). :)
10-  Naksha (map) :)
11-  Ek table par hai aur 4 plate mein hain lehaza sab k hissy mein ek ek ai.:)
12-  Jo sab say chota hai kyun k baki 2 ghady tou ussy bary ghady hain :)
13-  Jahee-e- nemaaz :)
14-  Pistol (:
15-  ulty hath ki kohni (elbow) :)
16-  Sirf Ek Anda kyunky ap Ek anda khany k bad nehar mu nahi rahen gy. :)
17-  Lathi :)
18-  ALLAH
19-  Kafan :)
20-  Nokar: q k sunday ko koi government office nahi khulta :)
21-  urdu alfaz haqeekat main 8 nukty hain ;)
22-  40 :)
23-  11 bajy honge :)
24-  3 Aam or 4 sooiyan hian :)
25-  Chipkali (Lizard) :)
26-  Is liye ke Train Station par khari thi. :)
27-  Machis ki teeli :)
28-  Behri Jahaz(Ship) ka Langar :)
29-  Gussa :)
30-  (1) Khud Koshi (2) Iqtidar Par Qabza :)
31-  2 rupey(rupees) :)

32-  kyun k ali nay chabi (key) ko ek lifify (envelope) mein bhega tha aur wo bhi letterBox mein chalegae.  :)

33-  Apka Naam :)
34-  Zameen ki Taraf :)

35-  Ji han wo dono ek dosre ke peche ase khare hon ke un ki pushte (peeth) ek dosre se mili hon. :)

36-  Sarak :)

37-  woh sab se pehlay bakri ko paar lekar jayega sher aur ghas ko ek jaga chorr jayega phir wapis akar ghas lekar jayega aur wapsi pe bakri ko sath le ayega phir bakri ko is kinaray pe chorr kar sher ko sath le jayega aur ghas k paas chorr dega phir wapis akar bakri ko bhi le jayega aur phir sab k sath safar start kar dega. :)

38-  Nariyal :)
39-  Murghi bhi lakri ki hai :)
40-  Asal mein adnan ka hath lift mein navi manzil(9th floor) k button tak hi pohanchta tha. :)
41   Kyun k usny shakkar (sugar) milae thi aur jab new coffee ae tou pheeki nahi thi.  :)
42-  Mehman 4 aur charpaiyan 3 hain :)
43-  Aap khud hain :)
44-  6 :)
45-  Tawa aur roti :)
46-  Fridge ko (Note! agli paheli zaroor parhen) :)
47-  Fridge jo phenka tha pichli riddle mein wo gira us admi par :)

48-  Firdge ka darwaza khola 1 hissa, bakra rakha doosra hissa, firdge ka darwaza band kia teesra hissa :):)

49-  Fridge khola 1 hissa, bakra nikala doosra hissa, hathi rakha teesra hissa, firdge ka darwaza band kia chota hissa :):)

50-  1: hathi - Chingarna 2: sher - dharna 3: ghora - hin hinana 4: ghada - reekna 5: bakri - mimyana
         6: hiran - kilkarna 7: chirya - chechana 8: kabootar - ghutar ghoon 9: sanp - phankarna
        10: bulbul - chehekna :)

51-  any wala kal:)
52-  nukty :)
53-  ganja sir:)
54-  Dukan wala :)

This is amazing App, “Paheliyan with answer”

Please download this app and give your reviews.

Search on google play store “Paheliyan urdu-hindi”
OR

Visit this link: https://play.google.com/store/apps/details?id=riddle.urdu.hindi.paheliyan

Application Images:

Disclaimer!
These riddles have been taken from internet or books, all riddles are not made by me.
Thank you